《1》
عشانك ديما راضي سعيد
محال قمر الوطن يأفُل
يبقى الضوء هناك بعيد
مُحال تتحطم الآمال
نحزن في ليالي العيد
وطن سامي
بلد عالي..
نيل لي نيل
بيجري يداعب الأشجان
يجدد في هوانا يزيد
معالم في ندى الإيمان
تحرسوا عيونا قبل الأيد
عظمتك باقيةلينا مكان
صداها بِيأثِر الوجدان
بنرجع إن رحلنا بعيد
《2》
عشانك ديما راضي سعيد
مُحال قمر الوطن يأفُل
يبقى الضوء هناك بعيد
عشانك ياوطن صِغنا
شعر صادق
مداهُ الخاطر الحاضر
أكيد نقطف سلام
من وجهة التقريب
نضيف لي وجهك الباسم
معاني الحب لأغلى حبيب
بتمنع من طريقنا الشوك
لأنك فوق
يعود غائبنا للتحليق
تدور في سمانا قُمرية
في جنحاتها شوق موعود
تطير برقة حسية
تنزل في أرضنا تَرُوق
تغرد لينا مُنسابة
على شجر الوطن بابا
رقيقة لطيفة جذابة
من أترابا حب موجود
لأنها في بلادنا دوام
تبني معانا قصر الود
من عُش الهوى الآمن
تشارك في وطنا تَهِز
فوق غصن الوطن بِتعز
تنادي ونحن أحبابا
《3》
عشانك ديما راضي سعيد
مُحال قمر الوطن يافُل
يبقى الضوء هنااك بعيد
لأنك مركز الإحساس
في ماضينا عزة ناس
كتبنا رواية مسنودة
نسخنا ثوابت التشريف
كانت لحظة مكتوبة
على صدر الوطن إنسان
بيرفع لينا شارة حب
خُلاصة مشهد الإيمان
على ساريتنا كم غاية
ترفرف منتهى الإحسان
لينا الصورة مرغوبة
《4》
عشانك ديما راضي سعيد
مُحال قمر الوطن يأفُل
يبقى الضوء هناك بعيد
فيك ياوطني كل الخير
كل مايطل صباح تاني
يزيد تقديرنا كم تقدير
كل مانحسب الجايات
نأمِّل في أرضنا كتير
كل ما نعاني في يومنا
غداً بنحقق التعمير
حتى الطير قدُر مايطير
بِأكٍّد لينا باقي دوام
فوق غصن الوطن راسخ
يعيش في عشو هادي جميل
زمان ناداهو مبدعنا
مهاجر عاشق السودان
يعود في مرقد التحنان
تنزل دمعة التأثير
《5》
عشانك ديما راضي سعيد
مُحال قمر الوطن يأفُل
يبقى الضوء هناك بعيد
بنفخر بيك مدى الأيام
ولي قدام
نأسس ليك معالم عز
عز سودانا حب ووئام
سماحة أهلَنا الطيبين
مبيَّنة في حديثنا دوام
مُعطّنه جارية فوق الدم
في صلواتنا والتكبير
《6》
عشانك ديما راضي سعيد
مُحال قمر الوطن يأفُل
يبقى الضوء هناك بعيد
تعالو جميع
تعالو نصيغ
دهب أصفر
معادن كل يوم تظهر
في جوف الأرض ثروات
فوق سطح التراب بركات
بلد ممتد
نيلو بديع
《7》
عشانك ديما راضي سعيد
مُحال قمر الوطن يأفُل
يبقى الضوء هناك بعيد
عيون أطفال..
كلمة فال..
طبيعة اللمة سترة حال
من تبِّينا نحن صغار
عرفنا النيل بيجري أصيل
على أرض الوطن موّال
عِرف جوانا معنانا
مُحال الكان جميل ينضب
محال يتغير التفسير
عشانك ديما راضي سعيد
مُحال قمر الوطن يافُل
يبقى الضوء هناك بعيد
شكرا لمحرر الصفحة
