كيكل دعا لضرورة الاتفاق والوحدة ..والاتفاف حول العفو وإصلاح ذات البين
علوان اماني ابشر
قال قائد قوات درع السودان اللواء ابو عاقلة كيكل في لقاء الصلح المجتمعي ورتق النسيج الاجتماعي بين ابناء قبيلة البطاحين فرع العركشاب اليوم السبت بمدينة علوان بشرق النيل(كلمة حق نقولها والله البعمله فيه البطاحين دربه براه)
واضاف كيكل صلح فوق صلح وبالبساطة دي والله الا عندكم .
وأكد كيكل نعم في السودان عامة عندنا مئات القبائل تقوم بنفس الشي وكل واحد بسد فرقة التاني بس والله انتوا دربكم براه.
وأوضح كيكل قبل كده شفنا الصلح حقكم في موريتانيا بنفس المستوى وبعدها وقبلها ولازال وسيستمر العمل الجميل البشبهكم .
وقدم كيكل التحية لكل البطاحين والتحية للناظر منتصر الرجل الهمام الذي عرفناه دائما قدام والتحية للبطاحين شيوخ وامراء وعمد وشباب .
واضاف كيكل والله قدر ما نتكلم فيكم ما نقدر نوفيكم حقكم لانه دائما المعقودة بتحلوها.
واشار كيكل الى الحاجة للاتفاق ونحن الان دايرين وحدة حقيقية وبنفس المستوى ده نلتف حول العفو وإصلاح ذات البين كلنا نتفق طرق صوفية وإدارة أهلية وصحفيين وقوات نظامية نتوحد جميعا لنبذ الجهوية وخطاب العنصرية
